2013年11月2日 星期六

Siàu念ê滋味


有一回,guá有兩个外國朋友,千里迢迢飛來遊台灣;絕大部份ê時間,in lóng家己四界踅,自由行,感受台灣豐富溫暖ê人情味。特別是in去庄跤所在ê時,hia真濟方面lóng無親像大都市tsiah-nī便利,兩个大姑娘koh一句講to bē曉話,guá真驚in phàng見,siánnin--來耍kah真歡喜;原來,雖罔話語通,但是in tú著食穿iah是交通ê問題,hâm熱情ê台灣人比跤畫手就lóng解決--囉!


In來台灣一月日,好踅台灣一lìn。來到中部,guá算是地主,自然ài tshuā in規四界luā-luā-sôHit當時,guá無注意tio̍htsit-má想起來,心內感覺真ài笑。

In來到guá-ê地頭 - 台中;頭一工ing-àmguá想講來請intsi̍t-ê特殊ê台灣菜。Beh食啥mih--neh?踅夜市仔,凊彩食?路邊擔仔khû-leh?這lóng無適當。一來,夜市仔國外有(雖罔真濟人lóng掠準kan-ta台灣才有夜市仔);當然無仝國家ê夜市仔各有特色,但是,人疊人,相kheh燒;五花十色ê擔仔,behbehbeh耍,隨在你 ,這款情形各國ê夜市仔內底lóng是仝款--ê - án-ne,夜市仔顛倒無法度凸顯出台灣ê特色。二來,若是講,請這兩位國外來ê大姑娘食路邊擔,假若koh傷過凍霜honnh?落尾,guá決定請in食真有台灣特色ê - 火鍋,食kah飽!

按怎講食kahê火鍋真有台灣特色--neh?台灣以外,幾若个亞洲國家lóng有火鍋這項mi̍h阿?M̄-koh,台灣食kahê火鍋店有別人無ê特色:首先,in用真濟台灣在地ê食材,鮮koh好食;另外,店內一般lóng koh ē準備熟食,比論芳貢貢ê滷肉飯,iù-mī-mī koh ē tshìngsiânn--ê細粒包仔;iáu koh有冰枝,aisukhulimuh,各種涼水,上奇巧ê tshiookhooletooh噴泉;tsia ê食物不但真豐沛koh真多樣,hōo人客感覺若leh食無討,而且不止享受着火鍋,更加koh享受著幾若種無仝ê滋味;一般時行êbuffet」餐廳koh khah su伊一氣。除了食物,上重要êlán ê kah飽火鍋店ê環境lóngkah真四序 - 火鍋燒燙燙,熱烘烘,頭家無惜本錢,冷氣tio̍h kā催落去,人客奇怪,食燒湯koh bē流汗,顛倒真秋凊 - 因為án-ne台灣管是寒人熱人,lóng真適合去食火鍋!火鍋店提供ê肉類一般有豬肉,牛肉,雞肉,羊肉,lóngkah真大範,hōo人看著就起枵鬼性;但是guá-ê朋友in食菜無食肉,好佳哉,各種青菜mā lóng總有。In m̄-bat看過芋仔,guákā in解說半晡in才敢提來試食;木耳,in mā m̄-bat看過,in看著木耳一片一片軟sìm-sìm koh假若khiū-teh-tehsuah掠準he是某一種肉類,害in m̄敢食!經過guá努力ê解說,in才敢ngeh來煮,想到一食就tiâu--leh - 規頓飯,in m̄知食偌濟木耳?

隔轉工,gún tshuā in先去鹿港,koh去北港。鹿港古城是真出名,本地kap外國ê觀光客lóng知影來tsia tshit-thôguá-ê朋友耍kah真歡喜,順suà koh買寡有當地特色ê四秀仔,一路行,一路食。鹿港老街內底踅ê時,in雄雄看著一款m̄-bat看過ê食物,看起來是焦料,一片一片捲起來,koh用塑膠橐仔Inguá he是啥?Guá就近一看,tsit-ê mi̍hkah若豆皮,m̄-kohsuah是豬皮tsìnnIn一聽著,面tshiunn隨改變,感覺「豬皮tsìnn」真是不可思議ê食物!

離開鹿港了後, gún搬車搬beh五點鐘,人lóng gōng面去矣,才到北港(雖罔地圖頂面鹿港到北港真近,但是交通非常不便啊)!到位ê時,所有êlóng早就leh歇睏--矣,gún只好去買泡麵來食;對這對外國來ê姑娘仔來講,食「台灣泡麵」又kohtsi̍t-ê真稀罕ê經驗。Tsit-má真濟國家lóng有泡麵(有人講是速食麵),甚至歐洲國家koh有將長條--ê iah是長管--ê spaghetti做成泡麵,燒水沖落去,hip五分鐘,就ē-sái食啊。不而過,比較起來,iahlán台灣泡麵ê詼諧上濟上好食。泡麵是一位日本時代ê台灣人,離開台灣,釘根日本以後所發明--êán-ne講起來,泡麵算是「台灣之光」?台灣上早ê泡麵tio̍h日本進口入來ê「生力麵」,仝時tsūn有台灣家己製造上市ê「維力麵」,隨後koh有通人知ê「統一麵」上市,一直到tsit-má,市面上已經有濟濟無仝品牌kap口味ê泡麵,而且lóngkoh大碗;大碗!這是台灣泡麵上重要ê特色!其它國家ê泡麵通常lóng無夠看無夠食;若囥傷濟燒水,一碗麵就變kah真大碗,但是伊ê湯就無滋無味,若是燒水囥無夠濟,凊彩囫兩喙tio̍h食了--矣。這款泡麵,án-tsuánn ē 合台灣人ê口味?Lán台灣人食物件ài食巧koh食飽,lán ê泡麵自然ài有夠份量mā ài有夠好食!

北港睏一暝,隔工一透早,gún tshuā朋友來去看天后宮kap水仙廟;著!北港kan-ta天后宮niā-niāhia有幾若間廟,lóng是真有歷史ê古蹟,lóng反映出台灣人ê信仰kap文化生活。踅古蹟,當然mā ē腹肚枵,tsit-siann,真正tio̍h àiin兩位大姑娘食路邊擔--囉(因為庄跤所在揣無大飯店)。Ē-tsái九點外,gún揣著tsi̍t-ê oo-tsí-sáng,駛一台車,停路邊,桌仔椅仔凊彩排好,就leh賣早頓;oo-tsí-sáng ê 生理bē bái,人客來來去去,真濟lóng是早頓買好就kuānn leh走,ê人來買早頓,順suà koh kap oo-tsí-sáng開講,看起來是老主顧。Gún揣位坐好,做伙ê tsi̍t-ê朋友是當地teh做建築物研究ê學者,伊北港已經蹛過tsi̍t-tsām-á推薦gún試啉當地ê豆奶,伊講,tse氣味真tsán tsham別位無仝--ooh!有影to-tio̍h,北港ê豆奶真好啉,兩位外國美女啉kah喙笑目笑;一開始,behin啉豆奶in koh真躊躇,因為, in ê國家tsit-má mā有豆奶通啉 - 電視廣告lóng講豆奶是真健康koh營養ê飲料,所以當地「啉豆奶」koh khah贏啉牛奶 - 但是這種健康豆奶真歹啉,過濾了無tsiâu-tsn̂g koh無參糖,啉起來有澀澀ê滋味,teh啉藥仔;lán台灣人真歹想像,豆奶ná ē-tàngkah tsiah歹食?

Hiting-àmgún koh來去食宵夜 - 燒圓仔湯 - in hit對姊妹仔感覺這是真奇巧ê點心,一爿享受着燒圓仔湯ê好滋味,不時koh顯露出神秘ê笑容。Gún猶原北港天后宮ê香客大樓蹛一暝,隔轉工就beh離開。離開北港了後,研究建築ê朋友駛車tshuā gún去看幾若間古早ê廟寺。Beh倚中晝ê時,台灣人腹肚枵--矣,開始四界揣mi̍h食;tsit-êtsūnlán ê外國朋友,顛倒對食物一點仔興趣to無,in kan-ta對四周圍ê人情事物好玄,腹肚一點仔lóng  bē枵?

tsiaguá雄雄發現,gún這陣台灣人原來自頭到尾,管行到tuēlóng lehmi̍h來食!管腹肚ē枵,時間到,tio̍h ài食!

--阿,lán台灣人確實是真ài真重食ê一群人!「食物件」- hōo食物kap喙舌跳一段浪漫ê探戈,經過kap喙齒激烈ê戰鬥,送落去腹肚內-斟酌kah想,這件代誌對lán來講,恐驚kan-ta án-ne niā-niā

Lán tī真濟特殊ê時間點kap場所lóng ē來「食物件」。一般人ē食三頓;早頓是lán一工氣力開始ê源頭,早頓有重要ê精神意義,食過早頓,就是提醒lán ài開始骨力來做今仔日ê穡頭;中晝頓,是lán一工內底體力ê補充,提醒lán辛苦規ē-tsái,來歇睏tsi̍t-ē,將ē-tsái-sî kap ē-poo-sî隔開,有重新出發,繼續拍拚ê意思;規工ê khang-khuèsuah,人輕鬆,心頭開,就是lán來食暗頓êtsūn,食飽就ē-tàng--lohlán ê一工,食飯開始mā tī食飯後結束,án-ne是真完滿?現代人因為活工商發達ê時代內底,食飯無一定照三頓食,食飯ê意義有真濟變化。比論講, 趕上班赴食早頓,ē-tsái腹肚枵枵,tsit時就ài食點心,一方面補充體力,一方面心內竟然ē因為食著點心來感覺趕上班ê辛苦受着安慰。Koh比論講,中晝頓,凡勢是公司tng-teh開會ê時,不但無法度歇睏,無定着koh ài hōo頂司罵,食物件就無滋味去--矣。暗頓--neh,可能便當凊彩囫兩喙,就koh繼續趕khang-khuè ê進度,有可能公司koh ài開會,或者是為著生理上ê往來,必須陪客戶食飯;橫直,工商時代內底,大部份ê「食飯」lóng已經kap khang-khuè kô-kô-tînn,分--lohKap親人iahkap朋友做伙食飯,無需要討論工作上ê代誌,ē-tàng享受親情友情ê溫暖,ē-tàng khuann-khuann-á來食物件,這種食飯ê光景,恐驚是現代人上欣羨上需要--ê honnh

窮實,「食物件」對台灣人來講,若親像tsi̍t-ê儀式。tī-sîmā m̄管啥mih狀況,食物件,lóng是為著beh滿足某某目的;食物件ê過程就是teh通過tsit-ê儀式ê過程,一但通過儀式,人生就若親像進入另外tsi̍t-ê階段;食飯前,食飯中kap食飯後,這是三種無仝款ê滋味--矣,你若無斟酌體會就真無彩!因為食物件tsiah-nī重要,古早人早tio̍h講過,「食飯皇帝大」;這種觀念不止深刻來影響着lán「食」ê文化!

「食物件」因此親像tsi̍t-ê文化ê記認,ù tī lán家己to m̄知影ê內心深處。當guá少年時,孤tsi̍t-ê人踮國外讀冊-就是tī hia,熟識tio̍h hit對姊妹仔,koh有真濟外國朋友。心內tiānn-tiānn思念台灣好食ê物件。Tsit-má科技發達,siàu念親人kap朋友,透過網路就ē-tàng講電話甚至看著形影;但是想behê物件suah是按怎lóng--矣!Ētit頭一冬國外生活ê時,hitkohkoh無滋味ê phángiah-sī學寮內hit種鹹kah摃死賣鹽--ê ê料理,guá是為著生存才來硬吞硬食;後--來,開始家己學煮麵-白麵加豆油-tseguá tng當時食過上好食ê物件--阿!時間一長,熟識ê台灣留學生mā khah濟,逐家三不五時ē有聚會;聚會中討論ê話題lóng ē tsham台灣ê食物有關係;有時tsūngún ē特別來料理台灣ê食物做伙食,上簡單ê,是逐家來包水餃,上複雜êbat有人用心計較,使用有限ê材料,做出台灣口味ê肉圓!

Guá離開故鄉,才知影故鄉ê滋味正是hōo guásiàuê滋味。外國朋友來台灣,lánin食在地料理,tuì in來講是leh食奇巧,是趣味ê經驗;但是tuì guá來講 guá 已經瞭解-tse每一喙lóngkah guá ê生命縛tiâu-tiâu ê故鄉ê滋味,踮故鄉食着,每一喙lóng hōo guá心中充滿感恩,他鄉食着,每一tshuì lóng充滿感動kap滿足。

台灣料理好食,m̄-koh,食濟,gâu大箍。Guá心甘情願。

沒有留言:

張貼留言

這篇文章讓你有什麼感覺/感想呢?請讓我知道。

Related Posts Plugin for WordPress, Blogger...