Double Espresso - Double lín-pē tsiok bē-sóng

Tse舊年寫--ê。Kā sa 來tsia貼，做一个記錄。

~~

Thiann lâng kóng bîn-á-tsài sī tsa̍p-gue̍h tshe-tsa̍p siang-si̍p-tsiat.

聽說明天是十月十號雙十節？

Tse sī siánn-mih tsiat-ji̍t, siánn-mih ì-gī--ah？

這是什麼節日，什麼意義呢？

Lán lóng tsai-iánn, tse sī Tiong-huâ bîn-kok ê senn-ji̍t.

你我都知道，這是中華民國的生日。

M̄-koh, iáu ū lâng m̄-tsai, Tiong-huâ bîn-kok sī tī tiong-kok tshut-sì--ê, kap Tâi-uân bô kau-tshap, bô tī-tāi.

不過，仍然有人不知道，中華民國是在中國出生的，跟台灣毫無瓜葛。

Nā-sī án-ni, uī-siánn-mi̍h Tiong-huâ bîn-kok ài tī Tâi-uân kuè senn-ji̍t, tsò senn-ji̍t--ah？

若是這樣，為什麼中華民國需在台灣過生日，辦壽宴呢？

In-uī i to uì Tiong-kok hia hông kuánn--tshut-lâi, suà tsáu lâi tsiàm Tâi-uân！

因為他被從中國那邊趕出門，接著跑來占據台灣！

Tiong-huâ bîn-kok ê hîng-uî m̄-sī khit-tsia̍h kuánn biō-kong--neh！I sī lâi tsiàm lán tuā-biō, koh kiò biō-kong kā sé-kha！

中華民國的所作所為可不是乞丐趕廟公喔！它可是來占據你我的大廟，還要廟公幫它洗腳！

I tī tsia tsia̍h lán--ê, tshńg lán--ê, án-ni kā lán thún-ta̍h，thinn-lí hô-tsāi？

他在這邊作威作福，糟蹋台灣人，天理何在？

Kóng kàu tsia, lán tō ē sim-sng-sng。

說到這，你我就會感覺心酸。

Lâng Iâ-soo mā kan-tann puē tsi̍t-ê si̍p-jī-kè, uī sè-kan-lâng ê tsuē lâu tshut pó-hueh.

人家耶穌也只有背一個十字架，為世間人的罪流出寶血。

Bîn-á-tsài, siang-si̍p-tsiat, tō sī kā lán kóng, Tâi-uân teh puē nn̄g-ê si̍p-jī-kè！

明天，雙十節，就是要告訴你我，台灣正背著兩個十字架！

Tâi-uân lâu-lo̍h siánn-mih sik-tsuí ê pó-hueh？Koh sī uī siánn-mih-lâng sóo lâu？

台灣流出的，是什麼顏色的寶血？又是為誰所流？

Siūnn-tio̍h tsit tsân, guá tō bē koh sim-sng。

想通了這點，我就不再心酸。

Guá beh phâng khí thîn-muá Tâi-uân-pó-hueh ê au, tsi̍t-tshuì kā lim hōo ta.

我要捧起斟滿台灣寶血的甌杯，一口喝乾它！

Hit-khuán tsiok-kāu ê oo-ka-pi sī Double expresso，guá tsit-au sī Double "lín-pē tsiok bē-sóng"！

很濃的黑咖啡叫做Double expresso，我這杯叫做Double "lín-pē tsiok bē-sóng"！

Tiong-kok kok-bîn-tóng, lí bô tó, Tâi-uân tō bē-hó。 Kán！kan！

中國國民黨，你不倒，台灣就不會好。幹！乾！

寫tī台灣國出世進前，中華民國殖台69年（2014/10/9）